TURAL HƏSƏNLİ

1987-ci ildə Naxçıvan şəhərində anadan olub. 2002-ci ildə xüsusi rəssamlıq təhsili alıb. 2004-cü ildə Naxçıvan Dövlət Universitetinə qəbul olub. 2008-ci ildə isə universiteti fərqlənmə diplomu ilə bitirib. 2006-cı ildə universitetin dəstəyi ilə qonşu Türkiyə Respublikasının Van şəhərində keçirilən ənənəvi beynəlxalq universitetlərarası yaradıcılıq festivalında fərdi sərgisi təşkil olunub. Eyni zamanda Naxçıvan Rəssamlar Birliyinin İran və Türkiyədə təşkil etdiyi sərgilərində əsərləri nümayiş olunub. Ötən illərdən başlayaraq karikatura ilə məşğul olur. Beynəlxalq və respublika səviyyəli karikatura müsabiqələrinin iştirakçısıdır.